Sulmuesi i veshur si ninxha plagosi me shpatë dy police franceze - Klan Kosova

Na ndiqni në:


Get it on Google Play Download on the App Store

Sulmuesi i veshur si ninxha plagosi me shpatë dy police franceze

NULL NULL
02/12/2021

Një burrë i veshur si ninxha, sot, sulmoi dhe plagosi me shpatë dy police në Cherbourg të Francës veriperëndimore, para se të qëllohej dhe të kapej nga policia, tha një zëdhënëse e forcave të rendit atje, shkruan Reuters, transmeton Klan Kosova.

Ajo shtoi se nuk kishte shenja të menjëhershme që sulmi ishte i lidhur me terrorizëm dhe se sulmuesi e kishte vjedhur një veturë dhe kishte shkaktuar aksident, pas të cilit ai sulmoi dy police, të cilat ishin thirrur në vendin e ngjarjes, duke e lënduar njërën në fytyrë dhe tjetrën në mjekër.

Sulmuesi, i veshur me të zeza, në stilin e luftëtarëve tradicionalë japonezë ninxha – u qëllua tri herë nga policët dhe u dërgua në spital me helikopter në gjendje të rëndë.

Sulmi ndodhi rreth orës 15:45 pranë një karburanti të supermarketeve Leclerc.

Emri dhe kombësia e sulmuesit nuk u bënë të ditur.