Stuhitë e Evropës: Raportohen vdekje në Francë, Austri dhe Itali Vdekjet, shumica nga rënia e pemëve, u raportuan në Itali dhe Austri dhe në ishullin francez të Korsikës. NULL NULL 19.08.2022 09:03 19.08.2022 09:03 Stuhi të fuqishme e kanë goditur zona të Evropës qendrore dhe jugore, duke lënë të vdekur të paktën 12 persona, përfshirë tre fëmijë. Vdekjet, shumica nga rënia e pemëve, u raportuan në Itali dhe Austri dhe në ishullin francez të Korsikës. Stuhitë pasojnë javë të të nxehtit dhe thatësirës në pjesën më të madhe të kontinentit, shkruan BBC, transmeton Klankosova.tv. Autoritetet franceze thanë se një vajzë 13-vjeçare u vra nga një pemë që u rrëzua në një kamping. Një burrë vdiq në një incident të ngjashëm dhe një grua 72-vjeçare u vra kur makina e saj u përplas nga çatia e shkëputur e një kasolleje në plazh. Dy persona të tjerë, një peshkatar dhe një femër kajaker, humbën jetën në det. Ministri i Brendshëm Gerald Darmanin, i cili mbërriti në Korsikë të enjten, tha se 20 persona ishin plagosur – katër prej tyre në gjendje të rëndë. Në Austri dy vajza u vranë nga një pemë që ra pranë një liqeni në Carinthia. Më vonë, tre të tjera vdekje u raportuan nga mediat në provincën e Austrisë së Poshtme, gjithashtu si pasojë e rënies së një peme. Ndërkohë në Itali, një burrë dhe një grua u vranë nga rrëzimi i pemëve në incidente të veçanta në rajonin e Toskanës. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Ulutash takohet me Crosetton, diskutojnë për situatën e sigurisë në Kosovë dhe rajon 3 minuta më parë
Kosova Kosova dhe Vatikani duhet ta njohin njëri-tjetrin, thotë Konjufca në takim me Delegatin Apostolik të Selisë së Shenjtë 15 minuta më parë
Kosova Si do t'i përgjigjej Sevdai Radogoshi, një oferte të një skenari serb? (VIDEO) 19 minuta më parë