Studim: Të qenit aktiv mund të trajtojë gjithçka, nga depresioni kronik e deri tek impotenca

Mjekët, prej kohësh e kanë ditur se njerëzit që lëvizin më shumë priren të jenë më të hollë, kanë shëndet më të mirë mendor dhe rrezik më të ulët të sëmundjeve kronike – dhe jetojnë më gjatë.

Të dhënat e reja po zbulojnë se çfarë bën ushtrimi në një nivel qelizor – dhe saktësisht çfarë i bën efektet kaq të fuqishme dhe të gjera, shkruan mail online, transmeton klankosova.tv.

”Kërkimet kanë treguar se stërvitja vendos një stres të vogël, por pozitiv në sistemet e trupit tonë, gjë që i detyron qelizat të përshtaten në mënyrë që të përballojnë kërkesat që u bëhen atyre”, shpjegon profesori Ian Swaine, një shkencëtar sporti dhe ushtrimesh në Universitetin e Greenwich.

“Kjo ka rezultatin neto duke i bërë ata të punojnë më mirë dhe më fort në çdo organ, që do të thotë se i gjithë trupi funksionon në mënyrë më efikase”.

Me fjalë të tjera, ushtrimet e përsëritura i mbajnë të gjitha qelizat e trupit në gjendje optimale, në mënyrë që ato të përballen më mirë me sfidat e përditshme të jetës. Megjithatë, ka zona specifike të trupit që mund të përfitojnë, duke përfshirë zemrën dhe, më pak të dukshme, trurin.

”Aktiviteti përmirëson “hidraulikun” e sistemit kardiovaskular, duke i bërë enët e gjakut më të forta, më fleksibël dhe më të afta për të pompuar gjakun nëpër trup, gjë që redukton tendosjen në zemër dhe ul presionin e gjakut”, thotë profesor Swaine.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.