Na ndiqni në:


Get it on Google Play Download on the App Store

Studentët e UP-së në mbështetje të marshit për drejtësi ndaj krerëve të UÇK-së në Hagë

NULL NULL
19.03.2023 20:34
Drejtesi Marshi
Drejtesi Marshi

Katër organiziata studentore të Universitetit të Prishtinës kanë dalë në mbështetje të marshit për drejtësi të cilin e ka organizuar platforma “Liria ka Emër” më 2 prill në ora 14:00 në Prishtinë, një ditë para nisjes së procesit gjyqësor ndaj krerëve të UÇK-së në Hagë.

Unioni Demokratik Studentor, Unioni i Studentëve Proeuropian, Opinioni i Pavarur Studentor dhe Paqja Studentore u kaanë bërë thirrje të gjithë studentëve që të bashkohen në këtë marsh për drejtësi, përcjell klankosova.tv.

“Si brez i ri i Kosovës, jemi rritur me rrëfimet e prindërve tanë për vuajtjet e sakrificat si çmimi më i shtrenjtë për çlirimin e vendit. Jemi rritur me rrëfimet e familjeve të dëshmorëve, martirëve, të zhdukurve e të dhunuarve të luftës. Jemi edukuar që ta nderojmë e mos ta harrojmë kurrë sakrificën madhore të luftëtarëve të Ushtrisë Çlirimtare të Kosovës. Ta nderojmë kontributin e atyre që si studentë filluan organizimin për çlirimin e vendit”, thuhet në faqen zyrtare të kësaj organizate.

“Prandaj ne studentët kundërshtojmë përpjekjet për të ndryshuar historinë e luftës çlirimtare. Në emër të Organizatave Studentore Unioni Demokratik Studentor, Unioni i Studentëve Proeuropian, Opinioni i Pavarur Studentor dhe Paqja Studentore, me 2 prill ftojmë të gjithë studentët që bashkarisht të marshojmë për drejtësi e mbështetje të luftës së pastër të UÇK-së dhe ish-krerëve të saj. Në ora 14:00 nisemi nga sheshi “Zahir Pajaziti” dhe do të vazhdojmë në drejtim të sheshit Skënderbeu”, thuhet në postimin e organizatës studentore.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.