Specialja për vizitën e Thaçit në Kosovë: Brenda ditës u kthye në Hagë

Zëdhënësja e Dhomave të Specializuara të Kosoëvës, Angela Griep, ka dhënë detaje nga vizita e ish-presidentit Hashim Thaçi që pati në Kosovë më 29 maj.

Në konferencën javore të DhSK-së, ajo tha se menjëherë pas vizitës në Kosovë në po të njëjtën ditë Thaçi është kthyer në objektin e paraburgimit, ku është në proces gjyqësor bashkë ish-krerët e tjerë të Ushtrisë Çlirimtare të Kosovës, Kadri Veselin, Rexhep Selimin dhe Jakup Krasniqin.

“Të hënën, më 29 maj, Zyra Administrative organizoi një vizitë nën ruajtje për Hashim Thaçin në Kosovë për të takuar anëtarët e familjes së ngushtë, në bazë të urdhrit të Trupit Gjykues. Trupi Gjykues miratoi kërkesën e Thaçi për këtë vizitë për arsye humanitare bindëse”.

“I akuzuari vazhdoi të mbetej nën paraburgimin dhe ruajtjen e Dhomave të Specializuara përgjatë gjithë qëndrimit në Kosovë, me ndihmën edhe nga EULEX-i dhe Policia e Kosovës. Thaçi u rikthye në objektin e paraburgimit në Hagë më të njëjtën ditë”, ka thënë Griep./Klankosova.tv

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.