Sot përfundojnë ndeshjet e grupit të parë, fati i dy sfidave me interes për kualifikimin e Shqipërisë

EURO 2024 nis sot xhiron e tretë të ndeshjeve të fazës së grupeve, pasi do të njohë verdiktet përfundimtare në Grupin A në funksion të sfidave që do të luhen sot në darkë.

Këto ndeshje interesojnë indirekt Kombëtaren e Shqipërisë pasi mund të ndikojnë në kualifikimin e tyre apo edhe një vazhdim të mundshëm në turne, transmeton Klankosova.tv.

Gjermania përballet sot me Zvicrën në ndeshjen vendimtare për kreun e grupit, ndërsa Skocia përballet me Hungarinë, në një ndeshje mes dy skuadrave që duan absolutisht pikë për të vazhduar të mbeten pjesë e këtij aktiviteti.

Duelet e orës 21:00 janë interesante pasi për Shqipërinë një barazim mes skocezëve dhe hungarezëve mund ta lehtësojë kualifikimin si të tretët në grup.

Ndërkohë, është e rëndësishme që kuqezinjtë të dinë se cilët do të jenë skuadrat e vendit të dytë në këtë grup. Kjo pasi formula e fazës me eliminim direkt parashikon që kjo skuadër e vendit të dytë të përballet me të dytin e Grupit B ku bën pjesë edhe Shqipëria.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.