10:26, 20 Gusht 2019

500 punëtorë të Aeroportit Ndërkombëtar të Prishtinës “Adem Jashari”, kanë mbajtur sot grevë dy orëshe – nga ora 08:00 deri në 10:00.

Kryetari i sindikatës së punëtorëve të aeroportit, Bashkim Latifi, ka thënë për klankosova.tv se 250 punëtorët e ndërrimit dhe 250 të tjerë kanë shkuar sot për të kërkuar plotësimin e pesë kushteve të tyre.

Latifi ka thënë se dje kanë provuar të zhvillojnë dialog me zyrtarët e Aeroportit dhe kanë zbritur në dy kërkesa në mënyrë që të vazhdohet puna, mirëpo as atëherë nuk janë marrë parasysh.

Në rast se kërkesat e tyre nuk plotësohen, aeroporti nesër do të jetë në grevë gjashtë orëshe, njofton Klan Kosova.

“Kuvendi i sindikatës ka votuar dje që nëse nuk plotësohen kërkesat tona të mërkurën të mbahet grevë gjashtë orëshe”, ka thënë Latifi përmes telefonit.

“Për veprimet tjera pas ditës së mërkurë do të vendosë përsëri kuvendi”.

Kërkesat e punëtorëve të aeroportit janë si vijon.

“1. Të paguhet rrezikshmëria në vendin e punës sipas ligjeve të punës në Kosovë.
2. Të bëhet nivelizimi i pagave.
3. Të paguhet përvoja e punës
4. Të paguhet orët e punës gjatë fundjavës, dhe
5. Të paguhet një shujtë ditore.

Konkurs Pune

Lexo më shumë