Sot e nesër rrugët në unazën qendrore të Prishtinës bëhen njëkahore (VIDEO)

Sot ka hyrë në fuqi vendimi i komunës së Prishtinës që të testohet unaza qendrore e qytetit në qarkore njëkahëshe për të gjitha automjetet.

Rrugët që në mënyrë njëkahore do të funksionojnë deri në mesnatën e së dielës janë rruga “Agim Ramadani”, rruga “UÇK”, rruga “Migjeni”, rruga “Luan Haradinaj”, rruga “Garibaldi”, rruga “George Bush” dhe rruga “Eqrem Çabej”, njofton Klankosova.tv.

Lëvizja e trafikut nëpër unazën qendrore të qytetit do të jetë njëkahëshe në të gjitha korsitë dhe krahët e rrugëve.