Sot dihet për fatin e ten Hagut

Sot do të dihet nëse trajneri Erik ten Hag do të vazhdojë të jetë trajner i Manchester Unitedit.

Ndërkat mediat raportojnë se sot mblidhen krerët e Djajve të Kuq e të cilët do të japin një vendim në lidhje me fatin e tij në krye të klubit.

Ka zëra që ai do të shkarkohet dhe vendin e tij do ta zë përkohësisht asistenti i tij i ri, legjenda e këtij klubi, Ruud Van Nistelrooy.

Në fillim të këtij sezoni, ten Hagu numëron dy barazime nga dy ndeshje në Ligën e Evropës dhe vetëm tetë pikë nga shtatë xhirot e para në Premier Ligë.

Ai ishte në rrezik për t’u hequr nga puna edhe në qershor, por klubi vendosi t’ia besojë kohën.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.