Snoop Dog tash i respekton femrat

Reperi i famshëm Snoop Dog, ka thënë për Sky News, se ditët kur ai nënçmonte femrat, tani kanë përfunduar.

Snoop-i tash i sheh gratë si të bukura.

Snoop Dog i cili shpesh herë është akuzuar për promovimin e mizorisë gjinore, në një intervistë me Oprah Winfrey, ka thënë se ai i ka ndryshuar qëndrimet ndaj grave, transmeton Klan Kosova.

Por, reperi amerikan nuk është penduar që dikur ka shkruar tekste seksiste për këngët e tij.

“Definitivisht qëndrimi im kundrejt grave ka ndryshuar”, ka thënë ai. “Por për ato që i thosha dikur nuk jam penduar, sepse isha ai që isha, dhe ashtu isha mësuar”.

Ai ka ndryshuar qysh kur e ka kuptuar se misioni i tij në jetë është “ta ndryshojë vetveten”.