Sllovenët të pafat, serbët barazojnë në fund

Sllovenia dhe Serbia i kanë ndarë pikët në ndeshjen e dytë të grupit C.

Pjesa e parë u mbyll pa gola, ndërsa në minutën e 69-të sllovenët kaluan të parët në epërsi me anë të Karnicnikut, i cili shënoi pas një pasimi të Elsnik në zonë.

Por, serbët barazuan krejt në fund të takimit, ku topin nga goditja e këndit e shfrytëzoi Luka Joviq, i cili shënoi me kokë për t’ia siguruar serbëve pikën e parë.

Aktualisht në grupin C prin Anglia me tri pikë, pasuar nga Sllovenia me dy, Danimarka me një e Serbia e katërta po ashtu me një pikë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.