Skandali i lobimit i lidhur me Huawei, prokurorët belgë po hetojnë rastin

Prokurorët belgë po hetojnë një rast korrupsioni që përfshin Parlamentin Evropian dhe kompaninë kineze të teknologjisë, Huawei. 

Prokurorët belgë po hetojnë nëse Huawei ka orkestruar një fushatë të fshehtë ndikimi brenda Parlamentit Europian. Hetuesit po shqyrtojnë nëse që nga viti 2021 përfaqësuesit e Huawei-t ​​u kanë ofruar ryshfete eurodeputetëve dhe asistentëve të tyre, transmeton Klankosova.tv 

Korrupsioni “thuhet se është praktikuar rregullisht dhe shumë diskret, nën maskën e lobimit komercial”, sipas  prokurorit belg, dhe përfshinte shpërblime, dhurata të tepërta si shpenzime ushqimi dhe udhëtimi ose ftesa të rregullta për ndeshje futbolli.

Këto stimuj dyshohet se kishin për qëllim sigurimin e pozicioneve të favorshme politike mbi temat me interes për kompaninë kineze. /Klankosova.tv 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.