Shqiptari arrestohet në Gjermani për një vrasje të kryer para 25 vjetësh NULL NULL 23.02.2023 09:40 23.02.2023 09:40 Një 45-vjeçar shqiptar është arrestuar në Gjermani. Marlen Toma, ishte i dënuar me 15 vjet burgim për një vrasje të cilën e kishte kryer në vitin 1998-të. “Në vitin 1998, në një lokal nate në Durrës, shtetasi Marlen Tome, gjatë një konflikti për motive të dobëta, ka qëlluar me armë zjarri, rojën e lokalit, i cili ka ndërruar jetë në vendngjarje”, njofton Policia e Shtetit. Operacioni i koduar “Second” është realizuar nga policia shqiptare në bashkëpunim me atë gjermane. “Interpol Tirana, në bashkëpunim me Interpol Wiesbaden/Gjermani, vijon procedurat për ekstradimin e këtj shtetasi drejt vendit tonë”, thuhet në njoftim. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
