Shqipëri, asgjësohen mbi 6 mijë bimë dhe fidane narkotike “cannabis sativa” NULL NULL 29.06.2024 11:13 29.06.2024 11:13 Policia e Shtetit Policia e Shtetit në qarkun e Shkodrës e ka realizuar një megaoperacion që quhet “Territor i pastër”. Në njoftimin e lëshuar thuhet se si rezultat i kontrolleve intensive në të gjithë territorin e qarkut, janë gjetur dhe asgjësuar 6,032 bimë dhe fidanë narkotike “cannabis sativa”. Këto bimë janë gjetur në fshatin Mëlgushë të Vaut të Dejës, në fshatin Iballë në Fushë Arrëz, si dhe në fshatin Pog. “Identifikohen dhe procedohen penalisht 2 autorë të dyshuar për kultivimin e 280 bimëve cannabis që u gjetën në fshatin Mëlgushë, Vau i Dejës. Në fshatin Iballë, Fushë Arrëz, u gjetën 4520 bimë narkotike cannabis. Për këtë rast, u referuan materialet në Prokurori, ku nisi procedimi në gjendje të lirë për veprën penale “Shpërdorimi i detyrës”, për shtetasit: A. Z., kryetari i njësisë administrative Iballë, I. B., specialisti i pyjeve dhe D. P., kryetari i fshatit Iballë”. “Gjatë kësaj faze të megaoperacionit, në fshatin Mëlgushë, Vau i Dejës, në tokën e shtetases V. L., u gjetën 280 bimë narkotike cannabis. Për këtë rast, u referuan materialet në Prokurori, ku nisi procedimi në gjendje të lirë për veprën penale “Kultivimi i bimëve narkotike”, për shtetasit: V. L., 47 vjeçe dhe J. M., 32 vjeç. Gjithashtu në njësin administrative Pult, në fshatin Pog, u gjetën 1232 fidanë cannabisi”, thuhet në njoftim. /Klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Rasti i abortit të paligjshëm: Nëna dyshohet se e ndihmoi vajzën në vrasjen e foshnjës, e hodhën në tualet 6 minuta më parë
Kosova Haxhiu kërkon transferimin e katër kosovarëve që po mbahen në burgjet e Serbisë 14 minuta më parë