Shqetësuese rastet me tumor në fshikëz

Ka nisur punimet Kongresi i 10-të i Urologjisë, ku po marrin pjesë shumë mysafirë nga Evropa por edhe Shtetet e Bashkuara të Amerikës.

Kryetari i Shoqatës së Urologëve të Kosovës Lutfi Dervishi, ka bërë të ditur për Klan Kosovën se kongresi do të zgjasë dy ditë.

Në ditën e parë të tij do të diskutohet për karcinomat e fshikëzës urinare, ndërkaq në të dytë për Urologjinë në përgjithësi, transmeton Klan Kosova.

Dervishi ka thënë se paraqitja e karcinomave në fshikëzën urinare viteve të fundit është shpeshtuar në Kosovë dhe konsiderohet që 2 për qind e popullatës apo 87 persona nga 100 mijë banorë vuajnë nga kjo sëmundje. Në kongresin dy ditor pritet që të krijohet edhe Shoqata së Urologëve të Ballkanit.