Shkoi në Turqi për t’i zmadhuar të pasmet, vdes 38-vjeçarja

Një grua nga Britania ka vdekur pasi ka bërë një “ngritje braziliane” të të pasmeve në Turqi.

Kaydell Brown, 38-vjeçare, pagoi rreth 6 mijë euro, një paketë që përfshinte “ngritje braziliane” të të pasmeve, shtrëngim barku dhe ndërhyrje në gjoks.

Ajo iu nënshtrua ndërhyrjeve në një spital në Stamboll në mëngjesin e 26 marsit të vitit 2024, por nga aty nuk doli kurrë.

Motra e saj, Leanne e cila akuzoi spitalin, pohoi se mjekët e informuan për vdekjen e saj, dhe tha se iu dorëzua një zarf me para për rezervimin e fluturimit për në shtëpi.

“Më dukej sikur më thanë: më falni që ajo ka vdekur, ja ku e keni biletën tuaj për avion”, u shpreh motra e të ndjerës.

Kaydell kishte shpresuar se operacioni do ta kthente jetën e saj në rrugën e duhur pasi ajo shtoi në peshë për shkak të lëndimit të kyçit të këmbës, sipas motrës së saj, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.