Shkarkohet prokurori i “21 Janarit NULL NULL 12.07.2018 10:05 12.07.2018 10:05 Komisioni i Pavarur i Kualifikimit në Shqipëri ka marrë vendimin ditën e sotme për shkarkimin e Prokurorit Adriatik Cama. Një ditë më parë në seancën dëgjimore, KPA doli në përfundimin se prokurori Cama doli me pasuri problematike e të pajustifikuara. Edhe pse prokurori rezulton bashkëpronar i vetëm një apartamenti në Tiranë, i një dyqani dhe një automjeti, deklaratat dhe të ardhurat për blerjen e tyre u cilësuan nga vettingu si kontradiktore dhe të pajusfitikuara. Fillimisht, prokurori e ka deklaruar blerjen e apartamentit me vlerë 3 milionë lekë, ndërsa në kontratën e shitblerjes rezulton të jenë investuar 34 mijë dollarë. KPK-ja zbuloi se probleme kishte edhe në blerjen e një garazhi, i cili në fakt rezulton të jetë dyqan. Por, pika që rëndon më tepër për prokurorin Cama ka lidhje me raportin sekret të DSIK-së, që pas deklasifikimit hedh hije dyshimi mbi njeriun e drejtësisë. Sipas KPK-së, prokurori Adriatik Cama ka pushuar hetimet për një kontrabandist në vitin 2005 në Lushnje, së bashku me një prokuror tjetër, vendim për të cilin është paguar, raporton Tch, transmeton Klan Kosova. “Dy prokurorët – tha relatorja, – kanë kërkuar mitë e kanë marrë parà duke kryer korrupsion, duke cenuar në këtë mënyrë figurën”. Por Adriatik Cama kundërshtoi, duke theksuar se kjo gjetje nuk është e vërtetë, e sipas tij vettingu duhej t’i sillte dëshmitarin për t’u ballafaquar. “Nuk e kam shkelur asnjëherë ligjin, jam besnik i tij. Kam pasur presione kur shteti nuk ekzistonte në vitin 1997, madje edhe për 21 Janarin, por asnjëherë nuk jam trembur. Kam bërë detyrën si prokuror i Republikës. Më lini të vazhdoj detyrën”, tha Adriatik Cama. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Aksident mes dy veturave në Kërçovë, vdesin tre persona e katër të tjerë lëndohen 4 minuta më parë
Kosova Komisioni për rezervat shtetërore, Gashi: Sot, VV-ja i dha fund njërës prej shtyllave të demokracisë 7 minuta më parë
Kosova Tahiri thotë se s’do të heqin dorë nga Komisioni Hetimor për kontratat njëburimore 43 minuta më parë