Shefi i NATO-s mirëpret propozimet për Asociacionin: Do ishte hap kyç drejt normalizimit dhe paqes së qëndrueshme

Shefi i NATO-s Jens Stoltenberg, ka thënë se i mirëpret propozimet e bëra Asociacionit të Komunave me shumicë serbe.

Këto deklarime ai i bëri në një konferencë për media pas takimit me presidenten e Kosovës, Vjosa Osmani.

“Ky do të ishte një hap kyç drejt normalizimit të marrëdhënieve dhe një paqeje të qëndrueshme”, tha ai.

Numri një i Aleancës Veriatlantike shtoi se organizata që ai drejton, e mbështet dialogun Kosovë-Serbi, të ndërmjetësuar nga ana e Bashkimit Evropian.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.