17:35, 2 Prill 2020

Numri i amerikanëve që po paraqesin kërkesa për përfitim të benefiteve financiare të papunësisë është rritur në 6,65 milionë – derisa pandemia e koronavirusit po vazhdon ta godasë ekonominë.

Kjo shifër aktuale besohet që është akoma edhe më e lartë, për shkak se shumë njerëz kanë raportuar se kanë pasë telashe me linjat telefonike dhe vështirësi në plotësimin e formularit online.

Është po ashtu shumë e rëndësishme të përmendet se disa punëtorë, si ata me gjysmë-orari, nuk kualifikohen për përfitim të këtyre benificioneve, transmeton Klan Kosova.

Shifra e fundit eklipson rekordin e javës së kaluar kur rreth 3.3 milionë njerëz ishin deklaruar të papunë, sipas të dhënave të Departamentit të Punës.

Sipas ekonomistëve, një e pesta e fuqisë punëtore të SHBA-së është tani në një formë të bllokimit.

Konkurs Pune

Lexo më shumë