Sfida e Mariah Carey

Mariah Carey është e përzgjedhura për të performuar në Billboard Music Awards – për herë të parë pas 17 vitesh.

Ky fakt e ka vënë në siklet këngëtaren, sepse ajo ka shumë dilema në përcaktimin e këngës që do ta këndojë.

Producentët e Billboard njoftuan të martën se Carey do të paraqitet më 17 Maj në shfaqjen e Billboard Awards në Las Vegas.

Përfaqësuesit e tyre thonë se Mariah Carey ka më shumë hite të ranguara në vendin e parë në top listën Hot 100 sesa çdo solo artist tjetër në historinë e top listave 56 vjeçare.

Edhe pse Carey njihet për vokalin e saj shpërthyes, me performancat e saja në disa koncerte të fundit i ka bërë fansat e saj të brengosen, pasi nuk i arrinte dot notat e larta që ajo dikur i prekte me shumë lehtësi.

Me 17 Maj mbetet të shihet se a do të rikthehet Mariah e dikurshme.