Sevilla fiton, Napoli dhe Dnipro barazojnë - Klan Kosova

Na ndiqni në:


Get it on Google Play Download on the App Store

Sevilla fiton, Napoli dhe Dnipro barazojnë

NULL NULL
07/05/2015
Sevilla - Fiorentina 3:0, Napoli - Dnipro 1:1

Kanë përfunduar ndeshjet gjysmëfinale të Europa League.

Sevilla e mposhti Fiorentinen me rezultat 3:0 në shtëpi, për të përfunduar pothuajse gjithçka në raundin e parë gjysmëfinal.
Edhe pse posedimin e topit e pati skuadra e Fiorentinës, nuk arriti që t’i konkretizojë rastet që pati.

Në minutën e 17-të të ndeshjes Aleix Vidal i dha epërsinë Sevillës. Me këtë rezultat përfundoi pjesa e parë e takimit. Me t’u kthyer në pjesën e dytë, përsëri Vidal e gjeti cakun në minutën e 52, kurse Kevin Gameiro në minutën e 75 e ngriti epërsinë në 3:0.

Në ndeshjen e zhvilluar në Itali, Napoli barazoi me Dnipron e Ukrainës 1:1.

Pjesa e parë e takimit përfundoi me rezultat 0:0. Loja në përgjithësi ishte e qetë dhe me raste të rralla nga të dyja palët.

David Lopez në minutën ’50 të ndeshjes arriti të zhbllokojë rezultatin, për ta dërguar skuadrën e tij në epërsi.

Pas një dominimi të posedimit të topit, skuadra ukrianase arriti të barazojë në 1:1, përmes  Yevhen Seleznyov në minutën e 81-të.

Gjithçka ka mbetur e hapur për ndeshjen kthyese që zhvillohet pas një jave.