Seanca për Ramush Haradinajn shtyhet për datën 6 prill

Gjykata e Colmarit në Francë ka marrë vendim që seanca ndaj ish-kryeministrit kosovar, Ramush Haradinaj të shtyhet për datën 6 prill.

Vetë Haradinaj pas këtij vendimi të Gjykatës ka thënë se është “peng politik”.

Ai për mikrofonin e Klan Kosovës është shprehur se kjo shtyerje është absurdi i radhës dhe se krejt kjo situatë është politike.

Kjo është hera e dytë që seanca për ish-komandatin e UÇK-së shtyhet për një datë tjetër.

Ramush Haradinaj është ndaluar nga autoritetet franceze më 4 janar, bazuar në një fletë-arrest të lëshuar nga Serbia përmes Interpolit.

Ish-kryeministri i Kosovës dhe komandanti i Zonës së Dukagjinit, akuzohet nga Serbia për krime lufte, që nisur nga këto akuza, Prokuroria Speciale e Serbisë, pati paraqitur dhe kërkesën për ekstradimin e Haradinajt në Serbi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.