Sam Smith i nënshtrohet një operacioni

Këngëtari britanik Sam Smith është dashur të ndërpresë të gjitha aktivitetet e tija për shkak të një hemorragjie në kordat e zërit.

Njëkohësisht ai i ka ndaluar edhe turnetë e tija për shkak të gjendjes së tij shëndetësore.

Pasi i`u nënshtrua një intervenimi kirurgjik këngëtari u pa të dalë nga Spitali i Përgjithshëm i Massachusetts-it i shoqëruar nga e ëma dhe ekipi i sigurimit.

Ai ka pranuar edhe çmimin në Billboard Awards si këngëtari më i mirë mashkull nëpërmjet një video linku, ku pas një pauze disa minutëshe për të rikuperuar zërin e tij ai i përshëndeti fansat e tij me disa vargje këngësh për t`iu treguar që po e rimerr veten.