Rusia i liron të burgosurit nëse pranojnë të luftojnë në Ukrainë NULL NULL 10.08.2022 16:07 10.08.2022 16:07 Në Rusi po u premtohet liria të burgosurve nëse ata pranojnë të luftojnë në Ukrainë. Shumë të afërm të të burgosurve janë duke e peshuar këtë ofertë. Pastaj të burgosurit zhduken, duke i lënë të dashurit e tyre të analizojnë raportet e të plagosurve që mbërrijnë në spitale. Me një ushtri të rregullt që është duke u dobësuar pas gati gjashtë muajsh pushtimi të përgjakshëm të Ukrainës, ka prova se Kremlini po bën zgjidhje të shëmtuara, duke rekrutuar të burgosur rusë për të luftuar, shkruan CNN, transmeton Klan Kosova. Aktivistët besojnë se qindra zyrtarë rusë u janë afruar dhjetëra burgjeve anembanë Rusisë dhe po u ofrojnë një gjë të tillë. Disa madje janë marrë nga burgu, ku po mbahet një i burgosur amerikan, Paul Whelan. Vëllai i tij, David, ka thënë në një deklaratë se kishte dëgjuar se dhjetë vullnetarë ishin larguar nga IK17, që ndodhet në Mordovia, për t’iu bashkuar vijës së parë të frontit në Ukrainë. Vlerësimet e fundit perëndimore sugjerojnë se deri në 75 mijë trupa ruse janë vrarë ose plagosur që nga fillimi i pushtimit (një pretendim që Kremlini e ka mohuar). Një i burgosur ka folur për CNN-in nga qelia e tij e burgut në kushte anonimiteti, duke përdorur një smartphone kontrabandë – mjaft i zakonshëm në sistemin e burgjeve të Rusisë – për të përshkruar kushtet që ofrohen. “Ata pranojnë vrasës, por jo përdhunues, pedofilë, ekstremistë apo terroristë”, tha ai. “Në rastin tim, nëse është e vërtetë, atëherë unë e pranoj një ofertë të tillë,” tha i burgosuri. “Kjo mund të bëjë një ndryshim të vërtetë për mua: të jesh i burgosur për gati një dekadë dhe të dalësh pas gjashtë muajsh nëse je me fat. Por kjo është nëse je me fat. Unë thjesht dua të shkoj në shtëpi te fëmijët sa më shpejt të jetë e mundur. Nëse ky opsion është i mundur, atëherë pse jo?” klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Avokati i Popullit i dorëzoi Kuvendit të Kosovës raportin vjetor për vitin 2023 7 minuta më parë
Kosova Petkoviqi takon ambasadorët e Quint-it, nga Beogradi i njofton ata për situatën e sigurisë në Kosovë 22 minuta më parë