Rrustemi (VV): S’ka drejtor shkolle që në një mënyrë s’është i lidhur me pushtetin në Lipjan

Rrustemi (VV): S’ka drejtor shkolle që në një mënyrë s’është i lidhur me pushtetin në Lipjan

NULL NULL
4 weeks më parë

Kandidati i Lëvizjes Vetëvendosje për kryetar të komunës së Lipjanit, Adnan Rrustemi, ka thënë se kjo parti synon që ta ndryshoj qasjen e qeverisjes në këtë komunë.

Ai thotë se kjo qasje, duhet të ndryshojë që nga investimet në infrastrukturë, arsim e shëndetësi.

Tutje, ai thotë se nevojat e kërkesat e qytetarëve të Lipjanit i kanë kthyer në prioritete qeverisëse.

“Si nevojat, si kërkesat i kemi përkthyer në prioritete. Arsimi e infrastruktura janë në nivel të ulët, e ato investime që po bëhen, po bëhen për qëllime elektorale”, ka thënë Rrustemi në “Edicioni zgjedhor” në Klan Kosova.

Më tej, ai thotë se qeverisja e tanishme në Lipjan, e ka bërë orientimin e prioriteteve në mënyrë të gabuara.

“Qasja e qeverisë së shkuar ka qenë gabim. Orientimi i prioriteteve është i gabueshëm e po bëhet me motiv elektoral, ajo po bëhet me selektim të zonave të caktuara e cilësi e ulët e investimeve”, është shprehur Rrustemi, njofton Klankosova.tv.

Ndërsa, Rrustemi ka akuzuar pushtetin aktual në Lipjan, pasi që sipas tij e ka politizuar arsimin, duke thënë se “nuk ka drejtor shkolle që në një mënyrë ose tjetrën s’janë të lidhur me partinë në pushtet”.

Kandidati i VV-së për të parin e Lipjanit, thotë se ekonomia e këtij qyteti është e përqendruar në ndërmarrje të vogla e orientimi ekonomik duhet të jetë aty.

“Ekonomia e Lipjanit është e përqendruar në ndërmarrje të vogla. Është e domosdoshme që orientimi të jetë tek ndërmarrjet e vogla. Do të mbështesim start-up gjithsesi, bizneset e prekura nga pandemia e bizneset e udhëhequra nga gratë”, është shprehur Rrustemi, njofton Klankosova.tv.