Rritet numri i viktimave nga reshjet në Teksas

Ka shkuar në 59 numri i të vdekurve nga përmbytjet në Teksas të ShBA-së, ka thënë zëvendësguvernatori i qarkut Dan Patrick.

“Tani jemi në 59,” i tha ai Fox News këtë mëngjes. “Presim që kjo shifër të rritet për fat të keq”.

43 prej të vrarëve ishin në Qarkun Kerr, ka konfirmuar Sherifi i saj Larry Leitha.

Të paktën katër vdekje janë konfirmuar në Qarkun Travis, sipas zëdhënësit Hector Nieto. Dy persona u vranë në Qarkun Burnet, sipas një koordinatori të menaxhimit të emergjencave për qarkun.

Një person është konfirmuar i vdekur në Qarkun Tom Green, ka konfirmuar Departamenti i Policisë së San Angelos. Një person tjetër u vra në Qarkun Kendall.

Përpjekjet e shpëtimit janë duke vazhduar dhe numri i përgjithshëm i personave të zhdukur mbetet i paqartë.

Megjithatë, zyrtarët konfirmuan dje se 27 vajza që po qëndronin në Kampin Mystic nuk janë gjetur ende.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.