Rivali i Trump, DeSantis tregon se do të jetë kandidat për president

Guvernatori i Floridës, Ron DeSantis, do të shpallë kandidaturën e tij presidenciale për vitin 2024 në një paraqitje në internet me kryesuesin e Twitter, Elon Musk, të mërkurën.

Musk pritet të zhvillojë një bisedë me DeSantis në ora 18:00.

DeSantis, 44 vjeçar, shihet si rivali kryesor i ish-presidentit Donald Trump për nominimin e Partisë Republikane.

Guvernatori i bashkohet një liste në rritje të pretendentëve që kërkojnë të rrëzojnë Trumpin, i cili kryeson me më shumë se 30 pikë në sondazhet kombëtare.

Votuesit republikanë shkojnë në qendrat e votimit në një seri zgjedhjesh paraprake që fillojnë shkurtin e ardhshëm për të përcaktuar se cili kandidat do të përballet me presidentin Joe Biden, një demokrat, në zgjedhjet e përgjithshme të nëntorit të vitit 2024.

Ngjarja e së mërkurës do të moderohet nga sipërmarrësi i teknologjisë David Sacks, një aleat i ngushtë i themeluesit të Tesla dhe një mbështetës i DeSantis, shkruan BBC, transmeton Klankosova.tv.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS