Rënie e lehtë e kënaqshmërisë së qytetarëve për presidencën

Në raportin e fundit të UNDP-së, “Përmbledhja e Pulsit Publik XXIII”, qytetarët kishn rënie të kënaqshmërisë për të gjitha institucionet kryesore.

Një rënie më e lehtë sidoqoftë ishte sa i përket performancës së presidencës, ku ka pasur një rënie prej 1.6 për qind.

“Kënaqshmëria me punën e Presidentes së Kosovës kapi vlerën prej 56.8%, krahasuar me 58.4% në prill 2022, 55.2% në vjeshtën e 2021 dhe 63.7% në maj 2021”, thuhet në raport.

Në kuadër të këtij raporti janë anketuar njëmijë e 306 vetë, nga data 21 tetor deri më 3 nëntor 2022 në krejt territorin kosovar, me numër të barabartë të meshkujve dhe femrave, si dhe duke përfshirë të gjitha grupet etnike që jetojnë në Kosovë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.