Rebelët vrasin disa civilë në Kongo NULL NULL 29.05.2022 22:32 29.05.2022 22:32 Disa civilë janë vrarë nga luftëtarët rebelë në Republikën Demokratike të Kongos (DRC), sipas ushtrisë së vendit dhe grupeve të shoqërisë civile. Një zëdhënës i ushtrisë së DRC tha për agjencinë e lajmeve AFP se “më shumë se një duzinë” njerëz janë vrarë në sulm, ndërsa Kryqi i Kuq tha se numri i të vdekurve ishte 24. Kivu Security Tracker (KST), i cili monitoron dhunën në rajon nëpërmjet një ekipi ekspertësh në terren, tha se të paktën 27 civilë kanë vdekur. Vrasjet ndodhën në një fshat në rajonin Beni në provincën Kivu Veriore, tha për AFP zëdhënësi i ushtrisë Anthony Mualushayi. “Dëgjuam plumba në agim në fshatin Beu Manyama. Kur mbërritëm tashmë ishte vonë, sepse armiku FSHZH kishte vrarë më shumë se një duzinë bashkëqytetarë tanë me hanxharë”, tha ai. Forcat Demokratike Aleate (ADF) janë akuzuar për vrasjen e mijëra civilëve në lindjen e trazuar të DRC. Pas sulmit, ushtarët ndoqën sulmuesit dhe “neutralizuan shtatë ADF” dhe kapën një tjetër, tha Mualushayi. Masakra vjen pas gati një muaji qetësie relative në Beni, ku ushtritë kongoleze dhe ugande kanë kryer operacione të përbashkëta ushtarake kundër ADF që nga fundi i nëntorit. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Mustafa (LDK) – qeverisë: Kryeshefi i KEK-ut, që e emëruat ju, u arrestua për korrupsion 5 minuta më parë
Kosova Rrustemi i VV-së “radhit” kontratat njëburimore të nënshkruara gjatë qeverive të kaluara 17 minuta më parë