Rasti i vetëvrasjes së adoleshentit për shkak të Chatbot-it, avokatët e zhvilluesve duan që çështja të rrëzohet

Një gjyqtar federal në SHBA ka vendosur të lejojë që një padi për ‘vdekje të padrejtë’ kundër kompanisë së inteligjencës artificiale Character.AI të vazhdojë, pasi një adoleshent kreu vetëvrasje.

Padia u ngrit nga një nënë nga Florida, e cila pretendon se djali i saj 14-vjeçar, Sewell Setzer III, është viktimë e njërit prej chatbot-eve të kompanisë , gjë që e ka përfshirë atë në atë që ajo e përshkroi si një marrëdhënie abuzive emocionale dhe seksuale që çoi në vetëvrasje.

Padia pretendon se në muajt e fundit të jetës së tij, Setzer u izolua gjithnjë e më shumë nga realiteti, ndërsa kalonte kohë duke u angazhuar në biseda sugjestive seksuale me robotin, i cili imitonte një personazh imagjinar nga seriali televiziv “Game of Thrones”.

Kompania u përpoq të argumentonte se mbrohej nga Amendamenti i Parë i Kushtetutës së SHBA-së, i cili mbron liritë themelore të amerikanëve, përfshirë lirinë e fjalës .

Avokatët e zhvilluesve duan që çështja të rrëzohet sepse argumentojnë se chatbot-et meritojnë mbrojtje nga Amendamenti i Parë dhe se një vendim i kundërt mund të ketë një “ efekt frenues” në industrinë e inteligjencës artificiale. / Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.