Raportohet se babai i Lamine Yamal është therur me thikë

Mounir Nasraoui, babai i senzacionit të “EURO 2024”, Lamine Yamal, raportohet se është therur me thikë, në një parking në Mataro, në veri të Barcelonës.

Ai është dërguar në spital Can Ruti, në Badalona.

Nasraoui thuhet se është në gjendje të rëndë.

Lidhur me rastin policia ka nisur hetimet.

17-vjeçari Yamal, të shtunën do të duhet ta nisë edicionin e ri në La Liga, kundër Valencisë nën drejtimin e trajnerit të ri, Hansi Flick.

Por, tani atij i duhet të përballet edhe me këtë ngjarje të rëndë.

Lamine Yamal, shkëlqeu së fundmi në Kampionatin Evropian “EURO 2024”, ku me kombëtaren spanjolle u shpall kampion.

Ai si 16-vjeçar arriti të realizoj gol në këtë turne.

Yamal u shpall edhe “lojtari më i mirë i ri” i kampionatit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.