16:20, 10 Korrik 2020

Pas deklaratës së kreut të PD-së Lulzim Basha i cili tha se Edi Rama i ka propozuar që ta bëjë kryeministër dhe ai vetë të bëhet president, ky i fundit reagoi përmes një postimi në Twitter.

“Listat e hapura do fuskan kriminelët në parlament sipas LB e unë dashkam të bëhem President me LB kryeministër, se paskam frikë nga humbja. Në fakt jo, unë e di popullin më të mençur se veten prandaj dua të hapen listat, e s’e bëj dot Lulin KM se s’jam Populli që e vendos këtë!”.

“Sa për koalicionin me SHPK e LSI siç e quan LB, as e ndalon hapja e listave që ta bëjë, as e detyroj dot unë që ta zhbëjë! Prandaj Lul merre me qetësi këtë proces ku more gjithë çfarë deshe, e lëri sharjet e kërcënimet, sepse koha e ka treguar që të çojnë vetëm nga humbja në humbje!”, ka shkruar ai./A2 CNN

Konkurs Pune

Lexo më shumë