Rama, Ivanovit: Pa shqiptarët nuk ka Maqedoni

Kryeministri i Shqipërisë, Edi Rama ka thënë se pa shqiptarët nuk ka Maqedoni.

Këto komente Kryeministri Rama i dha në një status të publikuar në rrjetin social facebook, duke iu referuar vendimit të fundit të Presidentit të Maqedonisë Gjorgje Ivanov, njofton Klan Kosova.

‘’Zoti Ivanov, gjuha shqipe s’është e armikut po e një populli shtetformues në Maqedoni. Pa shqiptarët nuk ka Maqedoni i dashur President!’’ ka përfunduar Rama në statusin e tij.

Presidenti i Maqedonisë Gjorgje  Ivanov disa orë më parë ka deklaruar se nuk do t’ia japë mandatin Zoran Zaevit për shkak se ai ka pranuar platformën shqiptare, e që sipas Ivanovit një gjë e tillë cenon sovranitetin e vendit, njofton Klan Kosova.