Rama inspekton masat në tregje, thirrje të moshuarve të qëndrojnë në shtëpi NULL NULL 25.03.2020 14:25 25.03.2020 14:25 Kryeministri shqiptar Edi Rama ka vizituar gjatë ditës së mërkurë disa tregje të vogla në Tiranë për të parë nga afër zbatimin e masave për të luftuar koronavirusin. Kreu i qeverisë shqiptare e vlerësoi si pozitive situatën në tregje, derisa përsëriti thirrjen drejtuar të moshuarve që të qëndrojnë në shtëpi pasi ata janë më të rrezikuarit nga kjo sëmundje, shkruan A2 CNN. “Sot në disa tregje të Tiranës ku situata ishte mjaft pozitive. Problem pensionistët që dalin nga shtëpia, çka është e ndaluar, sepse shkalla e rrezikut për ta është shumë e lartë. Dhe duke qenë se ju njoh mirë, po i dal përpara duke ju thënë aman, mos më shkruani ku e ke maskën e pse s’ke dorashka”. “E kemi përsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi. Kalimtarët mjafton të respektojnë rregullat, sidomos distancën +1m, mosdhënien e dorës, përdorimin e gropës së brrylit nëse teshtijnë apo kolliten dhe janë të mbrojtur”, shkruan Rama në Facebook. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Lushtaku kujton masakrën e Izbicës, thotë se kjo plagë nuk shërohet deri në arritjen e drejtësisë 10 minuta më parë
Kosova Haxhiu takohet me homologen e saj austriake, Kosovës i premtohet mbështetje në anëtarësimin në KiE 15 minuta më parë