Rahoveci e varros hirin e kryepoetit të vet, merr pjesë edhe Kurti (VIDEO)

Për nder të poetit Xhevdet Bajraj, në shtëpinë e kulturës në Rahovec, u mbajt mbledhje komemorative e u kryen homazhe.

Aty kishte pjesëmarrës të shumtë, të cilët thurën lavde për shkrimtarin që vdiq pas një sëmundjeje të rëndë. I pari i Rahovecit, Smajl Latifi, që bëri këtë organizim, tha se Bajrajn e kishin pasuri të çmuar.

Pas përfundimit të kësaj ceremonie, mysafirët u nisën drejt varrezave. Aty u bashkua edhe kryeministri Albin Kurti, që tha se 62-vjeçari do të jetojë përherë e veprat e tij do të studiohen e mësohen nga pasardhësit.