Qeveria miraton propozimin për drejtorët e rinj të Postës së Kosovës - Klan Kosova

Qeveria miraton propozimin për drejtorët e rinj të Postës së Kosovës

NULL NULL
4 months më parë

Kryeministri i Kosovës, Albin Kurti, ka bërë të ditur sot se në mbledhjen e qeverisë është miratuar propozimi për emërimin e drejtorëve të ndërmarrjes publike të Postës së Kosovës.

Mandati i tyre zgjat tri vjet, përcjell Klankosova.tv.

”Marrë parasysh funksionalizimin e bordit të plotë të Postës, propozoj të emërohen për drejtorë këta kandidatë: Fadil Bejta, kryesues, Safije Beseni, anëtare, Hyrmete Mydyti, Sebahate Krasniqi, Gëzim Paci dhe Visar Nura, anëtarë”.

Tutje kryeministri Kurti shpreson se këta kandidatë pritet të rrisin performancën e ndërmarrjes dhe ta bëjnë Postën e Kosovës, ndërmarrje të suksesshme.