Qeriqi: Fajet i ka Mustafa dhe Qeveria e tij - Klan Kosova

Na ndiqni në:


Get it on Google Play Download on the App Store

Qeriqi: Fajet i ka Mustafa dhe Qeveria e tij

NULL NULL
05/10/2015

Xhevdet Qeriqi, kryetar i Këshillit për mbrojtjen e të drejtave të luftëtarëve të UÇK-së ka deklaruar në Info Magazine të Klan Kosovës, se fajtor për pensionet e vogla është kryeministri i Kosovës Isa Mustafa dhe Qeveria që ai udhëheqë.

“Nga vet Mustafa na është premtuar se pensioni do të jetë 220 euro”, ka thënë Qeriqi, derisa faj të madh i ka lënë edhe komisionit për veteranë të Ushtrisë Çlirimtare të Kosovës.

“Mendoj se veteranët trajtohen si raste sociale. Problemi më i madh ka qenë te komisioni, ata kanë qenë përgjegjës për të identifikuar sa veteranë janë”.

“Tre vjet kohë ka marrë procesi. Është e turpshme, të mos të trajtohen veteranët, plus në këtë ligj ka raste që luftëtarët janë përjashtuar nga lista”.

“Mendoj se edhe organizata e veteranëve është dashur të jetë më insistuese në kërkesat e tyre”, ka thënë Qeriqi.

Ai tha se prania e Thaçit në ambientet e zyrës për çështje të veteranëve në Qeveri, duke aplikuar për vërtetim është bërë më shumë për poenë politik”.

“Të them të drejtën kish me qenë pamje ma e mirë, sikur të kishte marrë një vendim të mëhershëm, sepse procesi është zgjatur”, pohoi Qeriqi, duke komentuar fotografinë e Thaçit në Qeveri.

klankosova.tv