Qendra për arsim digjital organizon për herë të parë shkollën verore në Kosovë

Qendra për arsim digjital që ka për qëllim ngritjen e cilësisë në edukim përmes shfrytëzimit të teknologjisë arsimore, ka organizuar shkollën e parë verore, të quajtur “Intek”, për fëmijët nga mosha 9 deri 15 vjeç.

Në “Ora Shtatë” për këtë shkollë verore kanë folur themeluesja Antigona Uka, dhe trajneri Erjon Vrella, transmeton Klankosova.tv.

“Qendra për arsim digjital organizon edicionin e parë për shkollë verore, ku ne si qendër promovojmë integrimin e teknologjisë së shëndetshme në procesin arsimor. Shkolla verore fillon më 21 korrik. Si edicion i parë edhe ne sigurisht që jemi duke mësuar, kemi një ekip të madh, dhe do shohim se si do të shkojë. Po ashtu shkolla verore është e hapur për të gjithë Kosovën”, tha Uka.

Sakaq, trajneri Vrella thotë se puna e tij do të iu ndihmojë fëmijëve të zhvillojnë kreativitetin në shumë tema të ndryshme.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.