Na ndiqni në:


Get it on Google Play Download on the App Store

PSD me protestë të shtunën: Marrëveshja e propozuar nga BE-ja e dëmshme për Kosovën

NULL NULL
19.03.2023 14:43
PSD
PSD

Partia Socialdemokratike ka bërë të ditur se të shtunën e javës së ardhshme, më 25 mars do të mbajnë protestë kundër marrëveshjes së propozuar nga Bashkimi Evropian për dialogun Kosovë-Serbi.

Në njoftimin e lëshuar nga ky subjekt thuhet se dakordimi për marrëveshjen e mbrëmshme në Ohër është i dëmshëm për Kosovën.

“Kryeministri Albin Kurti nuk ka mandat për këtë marrëveshje. Mashtrimi është i madh dhe i rrezikshëm për demokracinë dhe qytetarinë”.

“Prandaj, të gjithë që jeni kundër marrëveshjes dhe kundër mashtrimit ju ftojmë në protestë, të shtunën në ora 14:00 në sheshin ‘Zahir Pajaziti'”, ka thënë PSD.

Pos kësaj, kryetar i PSD-ës, Dardan Molliqaj, në një konferencë për media ka deklaruar se Serbia dje në Ohër ka shënuar një fitore të madhe.

“Mashtrimi është i madh dhe i rrezikshëm për demokracinë dhe qytetarinë. Pas Ahtisari Plus, tani po ofrojmë Asociacion plus”, ka thënë Molliqaj para mediave.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.