Protestuesit i vënë flakën Parlamentit në Libi

Protestuesit kanë sulmuar parlamentin e Libisë dhe i kanë vënë flakën disa pjesëve të tij, duke shprehur zemërimin e tyre ndaj përkeqësimit të kushteve të jetesës dhe muajve të bllokimit politik.

Ndërtesa ishte bosh, pasi e premtja është ditë pushimi në Libi.

Dhoma e Përfaqësuesve e Libisë ka qenë e vendosur në Tobruk, që nga një përçarje Lindje-Perëndim në vitin 2014, që erdhi tre vjet pasi një revolucion popullor që rrëzoi diktatorin Muammar Gaddafi.

Një legjislaturë e veçantë, e njohur zyrtarisht si Këshilli i Lartë i Shtetit, është i vendosur në Tripoli, pasi vendi i pasur me naftë mbetet i ndarë mes administratave rivale që konkurrojnë për kontroll.

Libia, e zhytur në vapën e verës, ka ditë të tëra ndërprerjesh të energjisë elektrike, një situatë e përkeqësuar nga bllokimi i objekteve kryesore të naftës, në mes të rivaliteteve të rrënjosura politike.

Një rënie në prodhimin e gazit ka kontribuar në ndërprerjet e energjisë elektrike në Libi, të cilat kanë zgjatur deri në 12 orë në ditë.

“Ne duam që dritat të funksionojnë”, brohoritën protestuesit, disa prej të cilëve tundnin flamujt e gjelbër të regjimit të Gadafit, raporton Agence France-Presse, transmeton Klankosova.tv.

Parlamenti dënoi “aktet e vandalizmit dhe djegien” e selisë së tij.

Dy qeveritë kanë konkurruar për pushtet në Libi prej muajsh: njëra me qendër në Tripoli, e udhëhequr nga Dbeibah, dhe tjetra e kryesuar nga ish-ministri i Brendshëm, Fathi Bashagha, i cili u emërua nga parlamenti dhe mbështetet nga kryekomandant i luftës me bazë në Lindje, Khalifa Haftar.

Zgjedhjet presidenciale dhe parlamentare, të caktuara fillimisht për dhjetorin e kaluar, kishin për qëllim të mbyllnin një proces paqeje të udhëhequr nga OKB-ja, pas përfundimit të dhunës më 2020.

Megjithatë, votimi nuk u mbajt kurrë për shkak të disa kandidaturave të diskutueshme dhe mosmarrëveshjeve të thella mbi bazën ligjore të sondazheve mes qendrave rivale të pushtetit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.