Protestojnë të papaguarit, “shantazhojnë” me këngë kurbeti (VIDEO) - Klan Kosova

Na ndiqni në:


Get it on Google Play Download on the App Store

Protestojnë të papaguarit, “shantazhojnë” me këngë kurbeti (VIDEO)

NULL NULL
nga Arbreshë Uka 1 month më parë

Infermierët dhe stafi mbështetës i angazhuar gjatë pandemisë protestuan të mërkurë para Ministrisë së Shëndetësisë, për shkak që nuk morën paga gati tre muaj.

Mantelbardhëve iu premtua një takim pas protestës me Sekretarin e Përgjithshëm të MSh-së, Naim Bardiqin, mirëpo protestuesit nuk iu përgjigjen takimit derisa thonë se duan vetëm përgjigje zyrtare.

Përfaqësuesja e Infermierisë në QKUK, Nurije Ukaj, tha se të martën kishin zhvilluar një takim me shefin e kabinetit, Kujtim Salihu, i cili ju kishte thënë se ka optimizëm për këtë.

Por, zëvendësministrja e shëndetësisë, Dafina Gexha, tregoi se deri më tani ka pas paqartësi procedurale të administratës, por që tashmë janë sqaruar dhe që deri në fund të javës pritet të merret vendimi, në mënyrë që sa më shpejtë të procedohet me pagat e stafit mbështetës.