Protestat në Kili: I vihet flaka fabrikës së rrobave, pesë të vdekur NULL NULL 21.10.2019 07:45 21.10.2019 07:45 Pesë persona kanë vdekur pasi i është vënë flaka një fabrike të rrobave nga plaçkitësit në afërsi të Santiagos – kryeqytetit të Kilit – në valën e protestave të dhunshme. Ushtria dhe policia kanë përdorur gaz lotsjellës dhe topa uji ndaj protestuesve, derisa është vendosur edhe shtetrrethim në qytetet e mëdha. Gjendja e jashtëzakonshme e shpallur tashmë në Santiago do të shtrihet edhe në qytetet në veri dhe jug të vendit, transmeton Klan Kosova. Trazirat, të nxitura nga rritja tashmë e suspenduar e tarifave të metros, janë përkeqësuar duke e reflektuar zemërimin mbi koston e jetesës dhe pabarazinë. Në orët e vona të mbrëmjes presidenti Sebastián Piñera është deklaruar në media. “Ne jemi në luftë kundër një armiku të fuqishëm i cili është i gatshëm të përdorë dhunën pa asnjë limit”. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.