Protesta në Maqedoni kundër gjuhës shqipe - Klan Kosova

Na ndiqni në:


Get it on Google Play Download on the App Store

Protesta në Maqedoni kundër gjuhës shqipe

NULL NULL
01/03/2017

Vonesat e mandatimit të kryetarit të LSDM-sw Zoran zaev për formimin e qeverisë së re, po tensionojnë situatën në Maqedoni.

Të martën në Shkup dhe në qytete të tjera u zhvilluan protesta kundër zyrtarizmit të gjuhës shqipe.

Nuk kanë munguar incidentet me sulme ndaj gazetarëve maqedonas, të cilësuar si simpatizantë të Zaevit. Ministri i  Brendshëm, Agim Nuhiu njoftoi se agresorët e gazetarëve janë arrestuar.

Por incidenti po shfrytëzohet politikisht nga lideri i VMRO DPMNE Nikolla Gruevski, i cili  ka ripërsëritur ofertën për të hyrë së bashku me Zaevin në qeveri dhe të mos pranojë atë që ai e quan platforma nga Tirana.

“LSDM duhet të grumbullojë forca dhe të refuzojë shantazhimet që nxisin tensione mes qytetarëve dhe sjellin rrezik për destabilizim të vendit”, ka thënë Gruevski, i citua nga mediat maqedonase.

Ndërkohë Departamenti Amerikan i Shtetit ka lëshuar një deklaratë ku  bën thirrje për formimin sa më të shpejtë të qeverisë së re./ Tch