Protesta në Irak – një i vdekur, 25 të lënduar

Një protestues ka vdekur dhe 25 të tjerë u lënduan si pasojë e përleshjeve të dhunshme me forcat e sigurimit në qytetin jugor Basra të Irakut.

Iraku jugor e cila është e populluar nga komuniteti shiit, ka shpërthyer në trazira gjatë javëve të fundit për shkak se protestuesit shprehën zemërimin mbi infrastrukturën e shkatërruar, ndërprerjet e energjisë elektrike dhe korrupsionin.

Banorët në Basra, një qytet me më shumë se dy milionë banorë, thonë se furnizimi me ujë është i ndotur dhe i bënë ata të pambrojtur gjatë muajve të nxehtë të verës.

Qindra njerëz janë të shtrirë në spital si pasojë e ujit të papastër, shkruan Reuters, transmeton Klan Kosova

Forcat e sigurisë kanë përdorur gaz lotsjellës dhe kanë qëlluar në ajër si përpjekje për të shpërndarë protestuesit.

Sipas raportimeve nga institucionet e shëndetësisë, protestuesi ka ndërruar jetë pasi që ishte goditur në kokë me granatë tymi gjatë përleshjeve.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.