Protesta e kryekomunarëve: Mungojnë të VV-së, s’përfillin Asociacionin (VIDEO)

Ftesa për protestën e thirrur nga Asociacioni i Komunave të Kosovës ishte e hapur për të gjithë kryetarët, por asnjë udhëheqës lokal nga radhët e Vetëvendosjes dhe Guxo nuk mori pjesë në të.

Kryetari i Mitrovicës dhe ai i Podujevës, Faton Peci e Shpejtim Bulliqi, e kritikuan organizimin, duke e cilësuar si të politizuar, raporton Klan Kosova.

Ndaj këtyre akuzave reagoi kryetari i Asociacionit të Komunave të Kosovës, Agim Aliu, duke i kundërshtuar pretendimet për politizim.

Ndërkohë, kryetari i Prishtinës, Përparim Rama, tha se nuk ka presion politik dhe se në organizimet e ardhshme mirëpret edhe kryetarët nga VV-ja. /Klankosova.tv