Protesta e bizneseve: “Albin hajni”…“Dubrava 12 kate” (VIDEO) NULL NULL 11.06.2025 20:40 11.06.2025 20:40 Vijnë nga sektorë të ndryshëm, por një shqetësim i njejtë i bëri bashkë, të mërkurën paradite. Punëtorë të 1 mijë e 300 kompanive prodhuese vërshuan sheshet e Prishtinës, për të kundërshtuar vendimin e Zyres së Rregullatorit për Energji, për të kërkuar rrymë në pazare konkurruese. Ky vendim që hyri në fuqi nga 1 qeshori, revoltoi bizneset të cilat po kërkojnë zgjatje afati. Organizatorët janë të bindur se do fitojnë karshi injorimeve të ZRrE-së e pushtetit. Sipas tyre qeveria ka rrugëdalje nga kjo situate nese ka vullnet. Përfaqësuesit e bizneseve duan reagim pasi, sipas tyre, po vërehet efekti rëndues i kostos së energjisë. Për dikë që i printe protestes, kompanitë private nuk janë kapës të shtetit. Marshi që nisi nga sheshi Skenderbeu u drejtua nën përcjelljen e policisë ne lagjën Pejton tek zyret e ZRrE-së, ku nuk munguan thirrjet për burg. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
