Prorokoviq: Washingtoni qëndron pas konfliktit në Kumanovë

Politologu serb Dusan Prorokoviq, ka komentuar rreth ngjarjeve që tronditën Maqedoninë në ditët e fundit. Ai ka thënë se pas sulmeve qëndrojnë Shtetet e Bashkuara të Amerikës.

“Përfshirjen e shqiptarëve në përleshjet e armatosura në qytetin verior të Maqedonisë, Washingtoni e ka përdorur që të sabotojë Rusinë për planet e saj rreth ndërtimit të tubacionit të gazit ”Turkish Stream”, thotë Prorokoviq.

“Shqiptarët janë shfrytëzuar për të penguar implementimin e projektit “Turkish Stream” dhe konflikti i armatosur është përdorur si një mënyrë për t’i bërë presion Europës ”, ka konstatuar Dusan Prorokoviq.

Sipas Prorokoviq, kryengritja e shqiptarëve në Kumanovë, ka shumë të ngjarë që është orkestruar nga Shtetet e Bashkuara të Amerikës dhe aleatët e saj të NATO-s që të prishë planet për ndërtimin e tubacionit të gazit në Moskë.

Tubacioni i ri pritet të kalojë nëpër Turqi dhe do të bëjë shpërndarjen e gazit nëpër kufirin turko-grek. Kjo linjë do të furnizojë konsumatorët e Europës Jugore, raporton gazeta Sputnik.

klankosova.tv

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.