Korridori i Kuvendit të Kosovës, i cili të dërgon në sallën e mbledhjeve, tash ka marrë një pamje krejtësisht tjetër.
Artistja Eliza Hoxha e ka konfirmuar se ajo është kuratore e një projekti që po bëhet në kujtim të të pagjeturve nga lufta e Kosovës, tash kur po afrohet shënimi i 11 vjetorit të Shpalljes së Pavarësisë, si dhe 20 vjetori i përfundimit të konfrontimit me Serbinë, njofton Klan Kosova.
Nga Komisioni qeveritar për persona të pagjetur kanë thënë se ata i japin mbështetje kësaj ideje, pasi që projekte si ky vendosin në pah luftën e familjeve për të kuptuar për fatin e më të dashurve të tyre që u zhdukën gjatë periudhës 1998-1999.
