Prezervativë, barna qetësuese e mbetje të drogës – Gjithçka në Ferizaj (VIDEO)

Në shikim të parë rruga duket se të çon në park.

Mirëpo, prapa gjelbërimit “janë fshehur” disa objekte të harruara.

Jo shumë larg qendrës së Ferizajt, gjendej Koorporata e Bujqësisë, Radio Festina e shumë biznese të tjera.

Mirëpo, të njëjtat tashmë janë braktisur.

Por jo nga të gjithë.

Përdoruesit e drogave si duket kanë gjetur vendin më të duhur, aty ku rrallë kush i sheh.

Disa nga to, si duket nga vjetërsia janë shkatërruar.

Por shumë prej tyre janë bërë vende të denja për këto veprimtari.

Krejt dyshemeja është e mbushur me filtera të cigareve.

Kamera e Kiks-it gjeti edhe mbetje, të cilat si duket narkomanët i kanë përdorur për ta përgatitur “krekun” apo ndryshe i njohur si kokainë e pastër.

Në këtë hapësirë u gjet edhe Xanax, i cili hyn në kategorinë e barnave psikotrope, mirëpo nga narkomanët përdoret për t’u droguar.

Burimet i thanë Kiks-it se në këto objekte, kanë parë të kryhen edhe marrëdhënie seksuale. Kjo dëshmohet nga sasia e prezervativëve të hedhura në tokë.

Njëri nga këto objekte të braktisura duket se i ka rënë në sy dikujt meqë vërehet se nuk ka shumë kohë që ajo hapësirë ishte pastruar.

Rreth e çark këtyre objekteve gjenden edhe shtëpi e banesa të banueshme.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.