Presidenca i kundërpërgjigjet PSD-së: As Osmani e as stafi i saj nuk përdorin vetura të Presidencës

Presidenca i kundërpërgjigjet PSD-së: As Osmani e as stafi i saj nuk përdorin vetura të Presidencës

NULL NULL
1 month më parë

Pas akuzave të sotme të PSD-së drejtuar Presidencës, zyra e kësaj të fundit reagoi me anë të një shkrese drejtuar mediave, duke thënë se ushtruesja e detyrës së presidentes, Vjosa Osmani, sipas ligjit  obligohet të lëvizë me veturë të Policisë së Kosovës dhe nën mbrojtjen e saj 24-orëshe, dhe se as ajo e as stafi i saj nuk përdorin vetura të Presidencës.

“Të gjitha veturat e Presidencës çdo ditë janë në parking, ndaj, pretendimet e PSD-së janë të pavërteta dhe tendencioze”.

“Rivaliteti politik nuk duhet të përdoret për diskreditim të institucioneve të shtetit”.

“Përgjegjësia që të ruhet integriteti i institucioneve shtetërore dhe drejtuesve të tyre është e të gjithëve”, thuhet në komunikatën për media.